Изҳори ҳамдардии раҳбарони масеҳии Байтулмуқаддас ба мардуми Ғазза

Пас аз як сафари нодир ба Ғаззаи муҳосирашуда, ду чеҳраи баландпояи масеҳии муқаддас — Пьербаттиста Пиццабалла, патриархи лотинии Байтулмуқаддас, ва Феофил III, патриархи православии юнонии шаҳри муқаддас — ҳамдардии худро бо мардуми Фаластин изҳор намуда, ҳамлаҳо ва муҳосираи Исроил ба навори Ғаззаро ахлоқан ғайри қобили қабул хонданд.

Бино ба иттилои хабаргузории Аljazeera афари онҳо рӯзи 18 июл, пас аз ҳамлаи ҳавоии Исроил ба танҳо калисои католикӣ дар Ғазза, ки боиси ҳалокати се нафар шуд, анҷом гирифтааст.

Изҳороти ин ду раҳбари масеҳӣ дар ҳоле садо медиҳад, ки ҳазорон ғайринизомӣ дар Ғазза аз сабаби ҳамлаҳо ва муҳосираи шадид ранҷ мебаранд. Дар баробари садоҳои мусулмонон, ин мавқеи руҳониёни масеҳӣ нишондиҳандаи якпорчагии аҳли адён дар маҳкум кардани зулму ноадолатист.