Истиқболи мусалмонон аз манъи «Ҳаракати байналмилалии шайтонпарастон» дар Русия

Мусалмонони Русия қарори Додгоҳи Олии Федератсияи Русияро, ки фаъолияти «Ҳаракати байналмилалии шайтонпарастон»*-ро мамнӯъ ва онро ба созмонҳои ифротӣ шомил намуд, истиқбол карданд. Дар ин бора дар изҳороти Маҷлиси рӯҳонии мусалмонони Русия (ДСМР), ки онро хабаргузории IslamNews нашр кард, омадааст.

Дар изҳорот таъкид шудааст, ки таълимоти исломӣ ба идеологияи шайтонӣ шадидан мухолиф буда, муборизаи пайгирона бо ин гуна ҳаракатҳо ва дигар ҷараёнҳои вайронкорро, ки арзишҳои ахлоқӣ ва маънавии ҷомеаро зери хатар мегузоранд, ҷонибдорӣ мекунад.

«Аксарияти мусалмонони Русия шаҳрвандони қонуниятпазиранд ва дини онҳо, ки бар асоси Қуръон устувор аст, ба сулҳ, адолат ва риояи қонун даъват мекунад», — гуфта мешавад дар изҳороти ДСМР.

Ба таъкиди уламои дин, ин қарор як қадами муҳими додгоҳ дар самти ҳифзи шаҳрвандон аз таъсири харобиовари ҳаракатҳои вайронкор мебошад ва ба ҳифзи арзишҳои суннатӣ нигаронида шудааст.

*Созмони ифротие, ки дар қаламрави Русия мамнӯъ шудааст.